Łukašenka: Pahladzicie, što vakoł tvorycca. Strašna padumać.
Alaksandr Łukašenka nazvaŭ załoham spakoju ŭ Biełarusi, pakul vakoł usio pałaje, pracu i ŭmacavańnie krainy. Pra heta jon zajaviŭ na cyrymonii ŭračystaha adkryćcia fiestyvalu «Klič Paleśsia», paviedamlaje BiełTA.
Fota: BiełTA
«My budziem rabić usio dla taho, kab byŭ mir, — zajaviŭ jon. — My nie chočam vajavać. Čamu? Tamu što Biełaruś — heta ahulny dom, tut žyvuć usie (pradstaŭniki roznych nacyjanalnaściaŭ i vieravyznańniaŭ), i žyvuć narmalna».
«Pahladzicie, što vakoł tvorycca. Z punktu hledžańnia relihijnaj i nacyjanalnaj varožaści. Strašna padumać. My — spakojna. Nie ja — vy ŭsie zrabili dla taho, kab na hetym kavałačku ziamli, vakoł jakoha ŭsio pałaje, spakojna žyli ludzi, — padkreśliŭ Alaksandr Łukašenka. — I my budziem žyć spakojna, kali nie budziem adbirać čužoje i raskładvać pa kišeniach, kali budziem pracavać i ŭmacoŭvać našu krainu. Hałoŭnaje — ekanomika. Tamu ja zaŭsiody vam kažu: vy mnie dajcie tolki adno — ekanomiku, usio astatniaje — za mnoj».