Minčanin apłaciŭ studentcy prajazny na ŭsie vidy transpartu, ale daviedaŭsia pra heta z SMS
U Kastryčnickaje RUUS Minska źviarnuŭsia 68‑hadovy žychar rajona, jakomu z banka pryjšli SMS ab apłacie pakupak, jakich jon nie ździajśniaŭ.
Pravieryŭšy kašalok, mužčyna vyjaviŭ, što bankaŭskaja kartka źnikła, paviedamlaje «Milicyja Minska».
Apieratyŭniki vyśvietlili, što mužčyna zabyŭ kartku ŭ kijosku, kali raźličvaŭsia za bilet na aŭtobus. Jaje zaŭvažyła i zabrała sabie studentka homielskaj VNU, jakaja pryjechała ŭ Minsk pahaściavać.
Za čužyja hrošy jana nabyła prajazny na miesiac na ŭsie vidy transpartu, a taksama schadziła ŭ praduktovuju kramu. Paśla hetaha vykinuła kartku.
Zaviedziena kryminalnaja sprava za kradziež majomaści šlacham madyfikacyi kampjutarnaj infarmacyi. Fihurantka pavinna budzie pakryć naniesienuju škodu — kala 100 rubloŭ.