U minskim parku kot palavaŭ na niečakanuju zdabyču
U Sierabranskim parku ŭ Minsku minak zaŭvažyŭ šeraha kata, jaki stajaŭ u vysokaj travie i pilna sačyŭ za niečym.
Minčuk pasprabavaŭ pryciahnuć uvahu žyvioły śvistam i navat miaŭkańniem, ale kot nie reahavaŭ. Vyśvietliłasia, što jaho značna bolš cikaviła patencyjnaja zdabyča — pobač siadzieŭ dziki zajac.
«Nie zrazumieŭ spačatku, čamu na mianie nie reahuje, a akazałasia — jon za zajcam paluje», — napisaŭ aŭtar videa ŭ Threads. Pavodle jaho, heta byŭ pieršy raz, kali jon ubačyŭ žyvoha zajca.
Karystalniki Threads acanili niezvyčajnuju scenu. Adzin pažartavaŭ, što minak «usio palavańnie katu sapsavaŭ», inšyja zaŭvažyli, što kot byŭ bolš zacikaŭleny zajcam, čym dvunohim. Niekatoryja dapuścili, što žyvioła mahła nie palavać, a chacieła pahulać ź niečakanym susiedam. Niechta dadaŭ, što heta zajac niebiaśpiečny dla kata.
«Što tut dziŭnaha? Heta ž Sierabranka, tam ža i katy macioryja!» — zaŭvažyŭ niechta.