Biełarusa, jaki pracavaŭ u niamieckaj palicyi, pazbavili piensii — bo vaziŭ kantrabandaj cyharety ź Biełarusi na dypłamatyčnym aŭto
Ale zusim biez hrošaj jon nie zastaniecca.
Zdymak ilustracyjny. Fota z sacsietak
Byłoha niamieckaha palicejskaha pazbavili prava na słužbovuju piensiju dziaržaŭnaha słužačaha za słužbovaje złačynstva.
Mužčyna, jaki naradziŭsia ŭ Biełarusi, słužyŭ u fiederalnaj palicyi Hiermanii, a z sakavika 2017 pa luty 2019 hoda pracavaŭ kansultantam pa dakumientach i vizach u niamieckaj ambasadzie ŭ Minsku. U śniežni 2018 hoda jon pravioz praź miažu značnuju kolkaść cyharet bieź biełaruskaj akcyznaj marki, skarystaŭšysia aŭtamabilem z dypłamatyčnymi numarami i pradjaviŭšy na miažy dypłamatyčny pašpart. U červieni 2019 hoda biełaruski sud pryznačyŭ jamu štraf za padatkovaje złačynstva.
Dyscyplinarnaja vytvorčaść suprać jaho było pačata jašče ŭ studzieni 2019 hoda i paśla kryminalnaha rasśledavańnia adnaviłasia ŭ 2021 hodzie. Adnak kančatkovy vynik źjaviŭsia niadaŭna — kropku pastaviŭ Fiederalny administracyjny sud Hiermanii 18 sakavika 2026 hoda.
Zusim bieź niejkich vypłat jon nie zastajecca, jaho pieraviaduć u ahulnuju dziaržaŭnuju sistemu piensijnaha strachavańnia. Adnak vypłaty buduć značna mienšyja.