Da «Dažynak» u Biełarusi zrabili hihanckuju fihuru žančyny z sałomy
Nieskładana zdahadacca, što natchniła stvaralnikaŭ.
Štohod sielskahaspadarčyja pradpryjemstvy Biełarusi napiaredadni «Dažynak» stvarajuć na palach uzdoŭž daroh art-abjekty z sałomy. Sioleta siarod tradycyjnych zamkaŭ dy parsiukoŭ źjaviŭsia i niebanalny varyjant — skulptura žančyny.
Sałamianaja pryhažunia siadzić na kreśle, jaje «vałasy» zaplecienyja ŭ kasu i ŭpryhožanyja čyrvona-zialonymi stužkami, a na hałavie vianok. Stvaryli skulpturu supracoŭniki «Ahrakambinata Snoŭ».
Pryśviečana jana łukašenkaŭskamu Hodu biełaruskaj žančyny. Videa z sałamianaj skulpturaj užo zavirusiłasia i nabrała za sutki bolš za 200 tysiač prahladaŭ i kala 10,5 tysiačy łajkaŭ.
Šmat chto z kamientataraŭ u zachapleńni: «Sapraŭdny tvor mastactva! Jakija małajcy!», «Prykolna! Novy vid mastactva ŭ Biełarusi!», «Talenavity narod Biełarusi! I tematyka naša, rodnaja! Brava vykanaŭcam!».
Jość, kaniešnie, i krytyki, jakija taktoŭna pytajucca, ci finalny heta varyjant. Nie abyšłosia biez kamientaroŭ u styli humarystyčnaha pablika «Sovietskaja Biełoruśsija»: «Łukašenka małajčyna!».
Čytajcie taksama:
Da «Dažynak» u Kalinkavičach mianiajuć ružovuju plitku na błakitnuju, a cana kaśmičnaja