U Puchavickim rajonie «Dažynki» niečakana pieranieśli na tydzień. Užo vypiečanyja da śviata karavai mohuć da jaho nie dažyć
U čaćvier 25 vieraśnia ŭ sacsietkach puchavickaj rajonnaj haziety i rajonnaha centra kultury źjaviłasia paviedamleńnie, što rajonnyja «Dažynki», jakija mieli adbycca 27 vieraśnia, pieranosiacca na tydzień i ciapier buduć pravodzicca 4 kastryčnika. Jak vyhladaje, hety pieranos staŭ niečakanym navat dla tych, chto źbiraŭsia ŭ śviatkavańni brać aktyŭny ŭdzieł.
Kamientaroŭ pad hetym paviedamleńniem nie tak šmat, ale ŭ tych, jakija jość, u asnoŭnym vykazvajecca abureńnie, što paviedamleńnie pra pieranos zroblena litaralna ŭ apošni momant, i heta niepavaha da ludziej. Administratary sprabujuć apraŭdvacca:
«Heta nie hańba i žach, jak pišuć našy kamientatary, prosta na ŭsio jość peŭnyja pryčyny, i pieranosy nie tolki ŭ nas, a ŭ mnohich rajonach vobłaści! Budźcie bolš pamiarkoŭnymi i pavažlivymi da pracy inšych ludziej».
Pryčyny pieranosu nichto nie tłumačyć, ale niekatoryja ludzi aktyŭna baroniać «honar mundzira», śćviardžajučy, što heta «nie tamu, što nie paśpieli padrychtavacca». Krytykam jany naporysta piarečać:
«Adkul vy možacie viedać, chto i kali pačaŭ rychtavacca? Ja ŭpeŭnienaja, što vy navat nie viedajecie, što heta takoje i dumajecie što ŭsio vielmi lohka».
Apanientam pry hetym zakidajecca, što jany biarucca mierkavać pra metazhodnaść pieranosu, nie viedajučy jaho pryčyny. Ale hety arhumient vyklikaje piarečańnie navat u adnoj z žančyn, niepasredna datyčnaj da arhanizacyi śviata:
«Pryčynu ja nie viedaju, zatoje viedaju nastupstva: zakazanyja da śviata 10 karavajaŭ tydzień nie vytrymajuć, zakazanyja bukiety dla vinšavańniaŭ za tydzień pieratvoracca ŭ vieniki i hetak dalej. Heta straty. A pryčyna chutčej za ŭsio taja, jakuju naš prezident zhadvaje na kožnaj naradzie — biezadkaznaść».
Pry hetym karavai da śviata vypiakalisia nie na miescy, a admysłova zakazvalisia ŭ Słucku, i ich užo navat paśpieli pryvieźci.
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
Na «Dažynkach» u Vaŭkavysku Uładzimir Karanik pulaŭ kapustaj u baskietbolnaje kolca VIDEA
Krot-šachcior, bahamoł-pierarostak i krejsier «Aŭrora». Na palach Biełarusi zładzili konkurs fihur z sałomy FOTY i VIDEA
Kiraŭnik Biełaaziorska raskazaŭ pra padrychtoŭku da «Dažynak», a ludzi zachejcili ŭ kamientarach
Ciapier čytajuć
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj33
Kamientary