Apieracyju pa evakuacyi zahinułych u Kyrhyzstanie alpinistaŭ pakul adkłali
Pryčyna — składanyja ŭmovy nadvorja.
Pošuki źnikłych alpinistaŭ na piku Kurumdy časova prypynienyja. Učora ratavalniki, jak miarkujecca, vyjavili cieły spartsmienaŭ. Adnak pravieści apieracyju dla ich spusku pakul niemahčyma praz składanyja ŭmovy nadvorja, paviedamlaje telehram-kanał «Namad».
Druhi etap apieracyi zapłanavany na kaniec žniŭnia abo vierasień. Dakładnuju datu ŭzhodniać sa svajakami źnikłych.
Učora stała viadoma, što ŭ harach Kyrhyzstana znajšli cieły mierkavana troch źnikłych 2 žniŭnia alpinistaŭ: biełarusaŭ Maksima Palanskaha i Mikałaja Śvirydava i litoŭca Siarhieja Rubcova.
Jak paviedamiŭ kiraŭnik pošukavaj hrupy Alaksandr Śmirnoŭ, cieły vyjavili padčas prahladu zapisaŭ z drona. Kančatkovuju identyfikacyju praviaduć paśla spusku. Pavodle źviestak pošukavaj hrupy, alpinisty znachodzilisia ŭ adnoj źviazcy.