U Kleckim rajonie ledź nie patanuła čaćviortakłaśnica
Zdareńnie adbyłosia 16 žniŭnia kala 16:10 na sažałcy ŭ ahraharadku Morač, paviedamlaje Tavarystva ratavańnia na vodach.
Dziaŭčynka zapłyła za abmiežavalnyja bujki i apynułasia na hłybini kala 1,7 mietra, prykładna za 15 mietraŭ ad bieraha. Samastojna viarnucca nazad jana ŭžo nie zmahła.
Dzicia pačało aktyŭna machać rukami pa vadzie, sprabujučy pryciahnuć uvahu. Baćki ŭ hety momant znachodzilisia na bierazie, ale spačatku padumali, što dačka prosta hulajecca ŭ vadzie.
Na dapamohu svoječasova pryjšli matrosy-ratavalniki Tavarystva ratavańnia na vodach. Jany apieratyŭna dastali dziaŭčynku z vady i dastavili jaje na bierah.
Na ščaście, miedycynskaja dapamoha dziciaci nie spatrebiłasia.