ZŠA płanujuć rezka pavialičyć vytvorčaść rakiet Tomahawk

Złučanyja Štaty zaklučyli z padraździaleńniem Raytheon kampanii RTX kantrakt na 22,9 miljarda dalaraŭ, jaki praduhledžvaje istotnaje pavieličeńnie vytvorčaści kryłatych rakiet Tomahawk. Meta — papoŭnić zapasy vysokatechnałahičnaha ŭzbrajeńnia ZŠA, jakija skaracilisia na fonie pastavak zbroi sajuźnikam i jaje vykarystańnia ŭ kanflikcie ź Iranam, piša Reuters.

Zdymak ilustracyjny. Fota: U.S. Navy via Getty Images

Kantrakt raźličany na siem hadoŭ. Pavodle zajavy Raytheon, jon dazvolić pavialičyć hadavy vypusk Tomahawk bolš čym da 1000 rakiet. Ciapier kampanija vyrablaje kala 60 takich rakiet u hod.

Vykanaŭca abaviazkaŭ ministra VMS ZŠA Chun Kaa zajaviŭ, što amierykanskija ŭłady zaklikali abaronnuju pramysłovaść jak maha chutčej pavialičyć vytvorčaść bojeprypasaŭ. Pavodle jaho słoŭ, novy kantrakt pavinien harantavać amierykanskim vajskoŭcam nieabchodnuju ahniavuju moc.

Pavieličeńnie vytvorčaści źviazana taksama z aściarohami nakont zapasaŭ amierykanskaha ŭzbrajeńnia. Raniej amierykanskija ŚMI paviedamlali, što ZŠA mahli ŭžo vykarystać kala 80% zapasaŭ niekatorych klučavych srodkaŭ supraćpavietranaj abarony, a vajskoŭcy papiaredžvali pra niebiaśpiečna nizki ŭzrovień zapasaŭ.

Kiraŭnik Pientahona Pit Chiehsiet, adnak, admaŭlaŭ infarmacyju pra toje, što ŭ amierykanskich uzbrojenych sił zakančvajucca klučavyja rakiety.

Prezident ZŠA Donald Tramp taksama rezka adreahavaŭ na publikacyi pra mahčymy deficyt bojeprypasaŭ i pahražaŭ krynicam u ŚMI praciahłymi turemnymi terminami.

Kamientary da artykuła