Tramp moža admovicca ad pieradačy Hiermanii «Tamahaŭkaŭ» z-za reakcyi Pucina
Admiena pastavak rakiet pakinie Hiermaniju bieź nieabchodnych srodkaŭ abarony.
Ministerstva abarony ZŠA rychtujecca admianić pieradaču Hiermanii vysokadakładnych kryłatych rakiet vialikaj dalnaści Tomahawk, paviedamlaje Politico sa spasyłkaj na infarmavanyja krynicy.
Pavodle ich słoŭ, u administracyi Donalda Trampa bajacca, što Rasija ŭsprymie taki krok jak eskałacyju i prymie miery ŭ adkaz. Akramia hetaha, amierykanskija čynoŭniki zaniepakojenyja vyčarpańniem ułasnych arsienałaŭ zbroi, bo ŭ pieršyja tydni vajny ź Iranam ZŠA skarystali «tysiačy rakiet» Tomahawk i Patriot.
Kiraŭnik Pientahona Pit Chiehset u mai zajaviŭ Kanhresu, što na adnaŭleńnie zapasaŭ spatrebiacca «miesiacy i hady».
Admiena pastavak rakiet pakinie Hiermaniju bieź nieabchodnych srodkaŭ abarony, adznačyli krynicy Politico. Pry hetym rašeńnie ZŠA nakładajecca na skaračeńnie vajennaj prysutnaści ŭ Jeŭropie.
U pryvatnaści, Vašynhton maje namier vyviecci tysiačy amierykanskich vajskoŭcaŭ z Hiermanii i ŭ cełym skaracić kolkaść svaich źniščalnikaŭ, bieśpiłotnikaŭ i marskich padraździaleńniaŭ u Jeŭropie.
U toj ža čas Rasija ŭžo daŭno raźmiaściła rakiety «Iskander», zdolnyja nieści jadziernyja bojehałoŭki, u Kalininhradskaj vobłaści. Akramia taho, rasijskija vajskoŭcy raźmiaścili ŭ Biełarusi rakiety siaredniaj dalnaści «Arešnik», jakija patencyjna mohuć parazić lubuju kropku ŭ Jeŭropie, piša Moscow Times.
Kamientary