U Smarhonskim rajonie 9‑hadovy chłopčyk spaliŭ 450 ton sałomy
Pažar adbyŭsia 15 žniŭnia kala vioski Šamatova. U MNS pastupiła paviedamleńnie pra ŭzharańnie sałomy ŭ poli, paviedamlaje Śledčy kamitet.
Fota: Śledčy kamitet
Pavodle papiarednich źviestak, 9‑hadovy chłopčyk u poli znajšoŭ pačak zapałak. Jon pajšoŭ u bok pola i padpaliŭ skirdu sałomy. Ahoń chutka raspaŭsiudziŭsia. Kali samastojna patušyć pažar nie atrymałasia, chłopčyk uciok i nie paviedamiŭ darosłym pra zdareńnie.
U vyniku zhareła kala 450 ton sałomy, jakaja naležała miascovaj sielskahaspadarčaj arhanizacyi. Pamier materyjalnaj škody skłaŭ bolš za 12 tysiač rubloŭ.
Usie abstaviny zdareńnia ciapier vyśviatlajucca.
Chłopčyk jašče nie dasiahnuŭ uzrostu, ź jakoha nastupaje kryminalnaja adkaznaść, tamu materyjalnuju škodu ŭ poŭnym abjomie pavinny buduć kampiensavać jaho baćki.
Čytajcie taksama:
Da «Dažynak» u Biełarusi zrabili hihanckuju fihuru žančyny z sałomy