Na plažy pad Brasłavam sfatahrafavali vielmi redkuju ptušku

Minskamu fatohrafu-amataru Siarhieju Adnavału padčas pajezdki ŭ Viciebskuju vobłaść paščaściła sustreć čornavallovika — redkaha dla Biełarusi kulika, jaki zaniesieny ŭ Čyrvonuju knihu, paviedamlaje Times.by.

Čornavallovik na Brasłaŭščynie. Fota: Times.by

Fatohraf adpačyvaŭ na bierazie voziera kala ahraharadka Ikazń u Brasłaŭskim rajonie i niečakana zaŭvažyŭ ptušku. Jamu ŭdałosia zrabić niekalki bujnych zdymkaŭ, na jakich dobra bačnyja jaje apiareńnie, dziuba i inšyja charakternyja rysy.

Pa słovach Siarhieja, zvyčajna dla dobrych kadraŭ z ptuškami davodzicca vyjazdžać u pole na zołku, tamu sustreča z čornavallovikam siarod biełaha dnia stała dla jaho pryjemnaj niečakanaściu. U niejki momant jamu navat zdałosia, što ptuška zaŭvažyła fatohrafa i nibyta pačała pazavać.

Čornavalloviki pachodziać z tundravych i subarktyčnych rehijonaŭ. Adnak biełaruskija arnitołahi adznačajuć, što ŭ apošniaje dziesiacihodździe miescy hniezdavańnia hetaha vidu vyjaŭlali na toj samaj Brasłaŭščynie. Ciapier u čornavallovikaŭ idzie vosieńskaja mihracyja.

Siarhiej Adnavał užo kala čatyroch hadoŭ zajmajecca nazirańniem za ptuškami i ich fatahrafavańniem. Fatohraf zaklikaŭ nie turbavać ptušak padčas pieralotaŭ: nie sprabavać ich łavić, prahaniać abo padychodzić zanadta blizka. Lepš nazirać za imi zdalok, kab jany mahli spakojna adpačyć i adnavić siły.

Kamientary da artykuła