U MNS Kyrhyzstana abvierhli vyjaŭleńnie cieł źnikłych alpinistaŭ na piku Kurumdu
Pošuki ludziej časova prypynili.
U MNS Kyrhyzstana źniapraŭdzili znachodžańnie cieł źnikłych alpinistaŭ. Pavodle infarmacyi viedamstva, 16 žniŭnia padčas pošukavych rabot byŭ znojdzieny abutak alpinistaŭ. Raniej znajšli ich zaplečnik, spalny miašok i inšyja asabistyja rečy: paviedamlaje Vesti.kg.
Zaraz pošuki źnikłych ludziej prypynienyja z-za składanych umoŭ i niebiaśpieki, źviazanaj z rastavańniem lodu na viaršyni.
Nastupny etap pošukavaj apieracyi, papiarednie, płanujecca pravieści ŭ kancy žniŭnia abo ŭ vieraśni.
Raniej udzielnik pošukava-vyratavalnaj hrupy Alaksandr Śmirnoŭ paviedamiŭ, što na piku Kurumdy, mierkavana, byli vyjaŭlenyja cieły źnikłych alpinistaŭ ź Biełarusi i Litvy. Ich znajšli z dapamohaj drona.
Hrupa z troch alpinistaŭ źnikła ŭ pačatku žniŭnia paśla ŭzychodžańnia na pik Kurumdy. Heta 43‑hadovy Maksim Palanski, 60‑hadovy Mikałaj Śvirydaŭ ź Biełarusi i 37‑hadovy Siarhiej Rubcoŭ ź Litvy.
Čytajcie taksama:
U harach Kyrhyzstana z drona adšukali cieły źnikłych biełaruskich alpinistaŭ
Apieracyju pa evakuacyi zahinułych u Kyrhyzstanie alpinistaŭ pakul adkłali