U Mahilovie sa svajho miesca źnikła čechaŭskaja «Dama z sabačkam». Što ź joj budzie
Adna z samych viadomych haradskich skulptur Mahilova, «Dama z sabačkam», jakaja bolš za dvaccać hadoŭ sustrakała naviedvalnikaŭ kala Dramatyčnaha teatra, źnikła sa svajho pastamienta.
Dama z sabačkam kala ŭvachodu ŭ mahiloŭski dramteatr. Fota: telehram-kanał «Mohilev onłajn»
Jak paviedamlaje telehram-kanał «Mohilev onłajn», demantaž skulptury źviazany z pačatkam ramontu ŭvachodnaj hrupy teatra. Najbližejšym časam płanujecca pryvieści ŭ paradak prystupki, pandusy i prylehłuju da budynka terytoryju.
Samu bronzavuju kampazicyju nakiravali na restaŭracyju. Pavodle infarmacyi teatra, skulpturu pačyściać i abnoviać na joj achoŭnaje pakryćcio, paśla čaho jana vierniecca na svajo zvykłaje miesca.
Dama z sabačkam kala ŭvachodu ŭ mahiloŭski dramteatr. Fota: telehram-kanał «Mohilev onłajn»
Miesca, dzie stajała skulptura. Fota: telehram-kanał «Mohilev onłajn»
Miesca, dzie stajała skulptura. Fota: telehram-kanał «Mohilev onłajn»
Damu z sabačkam viazuć na restaŭracyju. Fota: telehram-kanał «Mohilev onłajn»
Skulptura «Dama z sabačkam» była ŭstalavanaja kala mahiloŭskaha Dramteatra ŭ 2003 hodzie. Jaje aŭtaram staŭ znakamity biełaruski skulptar Uładzimir Žbanaŭ, čyje pracy («Nieznajomka», «Dziaŭčynka z parasonam», «Fatohraf», «Koń») stali vizitoŭkaj Minska. Mahiloŭskaja skulptura adlustroŭvaje hierainiu apaviadańnia Antona Čechava Hannu Siarhiejeŭnu sa špicam.
Padobnaja praca Žbanava, pryśviečanaja hetaj ža litaraturnaj hieraini, taksama ŭstalavanaja kala Kamaroŭskaha rynku ŭ stalicy.