Minčanka zamoviła pasłuhu pavieličeńnia piensii i zapłaciła za jaje amal dzieviać tysiač rubloŭ
68‑hadovaja žančyna adkazała na zvanok z łžeŭpraŭleńnia sacyjalnaj abarony i pavieryła, što jaje čakaje pieraraźlik piensii.
Dla pierakanaŭčaści machlary paprasili jaje nazvać numar piensijnaha paśviedčańnia, a taksama paćvierdzić pasłuhu, nazvaŭšy kod z SMS, paviedamlaje «Milicyja Minska».
Pažyłaja minčanka vykanała instrukcyi, paśla čaho joj pa telefonie stali pahražać: nieviadomyja paviedamili, što piensijanierku pryznajuć padazravanaj pa kryminalnaj spravie ab supracoŭnictvie z machlarami.
Kab vyratavać svoj aščadak ad pieratrusu, žančyna pahadziłasia jaho zadekłaravać. Ale zamiest taho, kab źviarnucca ŭ padatkovuju i zapoŭnić błank dekłaracyi, piensijanierka skłała svaje hrošy ŭ pakiet i pakinuła jaho ŭ parku pad drevam. Takim čynam jana straciła amal 9 tysiač rubloŭ.