«Pieramožanym — viečnaja słava». Usievaład Ścieburaka
Novy vierš u fejsbuku apublikavaŭ Usievaład Ścieburaka.
***
pieramožanym — viečnaja słava
i ciarnovy vianok pakut,
bieznadziejna śviataja sprava -
tym, chto ŭsio ž zastajecca tut
na parozie čarhovaj suśvietnaj
my pračniemsia ŭ katory raz
z adčuvańniem, što hety vybar
niechta daŭna zrabiŭ za nas.
choć, što mirścicca na dalahladzie
nie razhledzieć ciapier praź imžu,
na apošniaje heta pytańnie
znoŭ upeŭniena adkažu
što čakaje čyściec ci piekła,
i jaki b tam nie byŭ toj raj,
ja braniuju ŭ apošnim hateli
numar ź vidam na hety kraj.