Stała viadoma, kolki buduć kaštavać kvitki na matčy chakiejnaha «Dynama» na «Minsk-Arenie»
CHK «Dynama-Minsk» pradstaviła biletnuju i abaniemientnuju prahramy na siezon 2026/27
7 vieraśnia minskaje «Dynama» adkryje 19‑y siezon u Kantynientalnaj chakiejnaj lizie.
U rehularnym čempijanacie zaŭziataraŭ čakajuć 34 chatnija matčy — 5 sustreč u vieraśni, 7 u kastryčniku, 2 u listapadzie, 9 u śniežni, 3 u studzieni i pa 4 matčy ŭ lutym i sakaviku. Pieršy matč — 7 vieraśnia suprać «Tarpieda» ź Nižniaha Noŭharada»
Ceny kvitkoŭ nie źmianilisia. Košt razavaha naviedvańnia zastajecca na ŭzroŭni śniežnia minułaha siezona, paviedamlaje pres-słužba kłuba.
U biletnaj prahramie ŭsie matčy padzielenyja na try hrupy: budni (paniadziełak — čaćvier), uikend (piatnica, subota, niadziela, śviatočnyja i pieradśviatočnyja dni) i top (matč adkryćcia siezona).
Heta značyć, u budnija dni jany buduć kaštavać ad 10 da 120 rubloŭ, a ŭ vychodnyja — ad 15 da 75 rubloŭ.
Pry padvyšanym popycie na asobnyja matčy ŭ budnija dni i skaračeńni kolkaści dastupnych miescaŭ da astatnich kvitkoŭ moža prymianiacca padvyšany kaeficyjent da katehoryi «Top». Kłub pakidaje za saboj prava na praciahu siezona ŭ zaležnaści ad popytu pavyšać košt kvitkoŭ u miežach katehoryj, paviedamlaje pres-słužba.
Kvitki na matčy ŭ vieraśni pastupiać u svabodny prodaž z 24 žniŭnia. Padaŭžeńnie abaniemientaŭ: z 18 žniŭnia da 1 vieraśnia.
U minułym siezonie amal usie matčy «Dynama» sabrali anšłah na «Minsk-Arenie».