Biełarus abakraŭ rasijskaha vajskoŭca
Pakul razam pili, Stanisłaŭ Tatarevič padhladvaŭ, jaki parol na mabilniku nabiraje rasijanin.
ilustracyjnaje fota
U Samary asudzili hramadzianina Biełarusi Stanisłava Tatareviča, jaki abakraŭ rasijskaha vajskoŭca — skraŭ jaho telefon i vykarystaŭ pryviazanuju da jaho bankaŭskuju kartku.
Pavodle materyjałaŭ spravy, biełarus i paciarpieły paznajomilisia ŭ chostele «Haharyn» u Samary, dzie abodva žyli. Vajskoviec, jaki pryjechaŭ u horad pa darozie ŭ svaju vajskovuju čaść, razam z Tatarevičam i svaim sasłužyŭcam praviali viečar u łaźni, dzie pili. Za hety čas biełarus pa prośbie vajskoŭca niekalki razoŭ karystaŭsia jaho telefonam i zapomniŭ parol ad ekrana.
Ranicaj, pakul vajskoviec spaŭ u svaim pakoi, Tatarevič zajšoŭ tudy, znajšoŭ telefon «Tehno Spark 20 Pro +» i zabraŭ jaho. Razam z telefonam u čachle lažała bankaŭskaja kartka «Śbierbanka» na imia paciarpiełaha i sim-karta. Zrazumieŭšy, što kartka padtrymlivaje bieskantaktnuju apłatu, biełarus skarystaŭsia joj dvojčy: spačatku papoŭniŭ praz braŭzier ułasny mabilny rachunak na $28, a paśla raźličyŭsia kartkaj za cyharety ŭ kramie na $2.
Sam mabilnik ekśpierty acanili prykładna na $134.
Kali palicyja pryjšła da Tatareviča, jon addaŭ telefon i va ŭsim pryznaŭsia.
U vyniku biełarusa aštrafavali na $300. Ale pakolki jon da suda siadzieŭ u SIZA, to vyrašyli, to možna ličyć pakarańnie adbytym.