U Biełarusi pradajuć dźviery ŭ vyhladzie ajfona z tryma falšyvymi kamierami
Dyzajniery nieabchodnych pradmietaŭ dla kvater i damoŭ zdolnyja ździvić navat samych spraktykavanych pakupnikoŭ.
Niadaŭna ŭ Threads zaŭvažyli dźviery, jakija paŭtarajuć dyzajn papularnaha smartfona. Ale kaštujuć jany amal udvaja tańniej za sam telefon, piša Blizko.by.
Niezvyčajnyja dźviery rasijskaj vytvorčaści ad jekaciarynburhskaj kampanii stalovych dźviarej «Hranit» vykananyja ŭ styli zadniaj paneli iPhone 17 — jość navat falšyvyja try kamiery.
Koler «kaśmičny aranžavy» (cosmic orange) na vonkavaj paneli z MDF pieraklikajecca z palitraj samaj modnaj madeli hetaha smartfona. Unutry — lusterka: funkcyjanalny elemient bieź lišnich detalaŭ. Nadziejnaść zabiaśpiečvajuć dva zamki ad kampanii-vytvorcy.
U Biełarusi dźviery možna nabyć u Minsku na «Kufary» za 2890 rubloŭ, u Pinsku ŭ sałonie «Dvieri biłd» za takuju ž canu, a ŭ Homieli ŭ sałonie «Dvieri.bieł» — za 3530 rubloŭ.