Rasijskaha prapahandysta Dźmitryja Kisialova vyhaniajuć z efiru?
Kisialova, pišuć, źbirajucca pieravieści na hanarovuju piensijnuju pasadu.
Dźmitryj Kisialoŭ. Kadr ź pieradačy
Prahrama «Viesti niedieli» na telekanale «Rośsija 1» u novym siezonie budzie vychodzić biez svajho niaźmiennaha viadučaha Dźmitryja Kisialova. Jon vioŭ hetu pieradaču z 2012 hoda. Kisialoŭ taksama moža pakinuć pasadu hiendyrektara «Rośsija siehodnia». Pra heta paviedamlaje prajekt «VČK-OHPU» sa spasyłkaj na krynicy.
U Kramli nibyta ŭžo pryniali rašeńnie adchilić Kisialova ad viadzieńnia efiru. Pakul jaho miesca zojmie Jaŭhien Papoŭ, samu vynikovuju prahramu płanujecca surjozna źmianić.
Pretenzii da Dźmitryja Kisialova ŭ Administracyi Pucina nazapašvalisia daŭno, śćviardžaje «VČK-OHPU». I źviazanyja jany nie tolki z padzieńniem cikavaści nasielnictva da «Viestiej niedieli», ale i ź niaprostym charaktaram Kisialova i jaho nieciarpimaściu da luboha inšaha mierkavańnia, a taksama da rekamiendacyj funkcyjanieraŭ Administracyi.
Kisialova źbirajucca pieravieści na hanarovuju piensijnuju pasadu.
Sam prapahandyst pra svaju płanavanuju adstaŭku viedaje i davoli baluča ŭspryniaŭ rašeńnie Kramla.