«Biełaruśfilm» vybraŭ čatyry prajekty dla budučych ekranizacyj

Kinastudyja «Biełaruśfilm» vyznačyła čatyry scenarnyja prajekty, jakija rekamiendavanyja dla dalejšaj raspracoŭki i mahčymaj ekranizacyi ŭ 2027—2028 hadach. Pra heta paviedamili ŭ Ministerstvie kultury.

Fota ilustracyjnaje

Prajekty byli adabranyja pa vynikach konkursu scenarnych materyjałaŭ dla poŭnamietražnych i televizijnych mastackich filmaŭ.

U finał konkursu z amal 250 padadzienych zajavak prajšli 16 prajektaŭ. Paśla ich razhladu mastackaja rada vybrała čatyry historyi:

• «Pa śladach Biełaj małanki» Alaksandry Šyšovaj;
• «Vańkava leta» Andreja Buryma;
• «Vužovaja karona» Mai Vietravaj;
• «Kumacha — deman vosieni» Viačasłava Jafremava.

Hienieralny dyrektar «Biełaruśfilma» Dźmitryj Siamionaŭ adznačyŭ, što členy mastackaha rady ŭvažliva analizavali kožny scenar. Adnoj z hałoŭnych zadač było znajści cikavyja historyi, jakija sapraŭdy vartyja pieraniasieńnia na ekran, a taksama vyjavić novych aŭtaraŭ, zdolnych pracavać u kinaindustryi.

Ciapier adabranyja prajekty čakaje detalovaja raspracoŭka. Na kinastudyi padkreślivajuć, što ad idei da zapusku vytvorčaści filma nieabchodna pravieści vialikuju padrychtoŭčuju pracu.

Kamientary da artykuła