Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
Nacyjanalnaja kinastudyja «Biełaruśfilm», jakaja daŭno i tryvała asacyjujecca z vytvorčaściu tannych vajennych dram, sprabuje vykanać daručeńnie Łukašenki i źniać «novaje žyvoje kino».
Jak paviedamiŭ u efiry telekanała STV hienieralny dyrektar kinastudyi Dźmitryj Siamionaŭ, na «Biełaruśfilmie» pačynajucca zdymki novaj navahodniaj karciny.
«Choć zaraz za aknom u nas takoje ciopłaje nadvorje, u piatym paviljonie kinastudyi ŭ nas sapraŭdnaja zima. Ź jołkami, zaśniežana», — raspavioŭ jon.
Viadučyja dziaržaŭnaha telekanała nie mahli nie nahadać dyrektaru pra narodnuju mianušku kinastudyi — «Partyzanfilm». U adkaz Dźmitryj Siamionaŭ zapeŭniŭ, što tradycyi zachoŭvajucca, ale studyja ŭpeŭniena ruchajecca napierad. Praŭda, u jakaści prykładaŭ hetaha ruchu jon nazvaŭ usio tyja ž vajenna-histaryčnyja prajekty. Litaralna dniami byli zavieršany zdymki karciny «Vyšynia», jakaja abjadnała kiniematahrafistaŭ ź siami krain SND, a taksama zaviaršajecca maštabny prajekt «Baćka Minaj. Partyzanskaja lehienda».
Hienieralny dyrektar kinastudyi «Biełaruśfilm» Dźmitryj Siamionaŭ. Skrynšot efiru STB
Sproba razbavić adnastajnuju vajennuju tematyku lohkim žanram pačałasia paśla taho, jak letaś, padčas vizitu na «Biełaruśfilm», Alaksandr Łukašenka davoli žorstka vykazaŭsia pra stan haliny. Paśla hetaha pierad kiraŭnictvam była pastaŭlena zadača stvarać «svajo kino — sumlennaje i žyvoje».
Pavodle słoŭ Dźmitryja Siamionava, kinastudyja nieadkładna pačała pracu. U pryvatnaści, byŭ praviedzieny konkurs scenaryjaŭ, na jaki, jak śćviardžaje dyrektar, dasłali bolš za 250 prac. Akramia taho, byŭ abvieščany vialiki narodny kastynh dla novaj karciny, jaki nibyta vyklikaŭ vielizarny ažyjataž nie tolki va ŭsich kutkach Biełarusi, ale i adniekul z-za miažy.
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
-
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ6
Kamientary
Jakaja kamiedyja z vajny?