Tramp choča sustrecca z Kim Čen Ynam hetaj vosieńniu
Prezident ZŠA nastojvaje na tym, kab jaho pamočniki arhanizavali sustreču ź lidaram KNDR užo hetaj vosieńniu, piša The Wall Street Journal sa spasyłkaj na krynicy.
Kim Čen Yn i Donald Tramp padčas sustrečy ŭ Sinhapury ŭ červieni 2028 hodzie. Fota: Evan Vucci / AP
Pavodle danych WSJ, Tramp imkniecca adradzić ambicyjnuju dypłamatyčnuju inicyjatyvu svajho pieršaha terminu, nakiravanuju na toje, kab pierakanać Kima admovicca ad prahramy stvareńnia jadziernaj zbroi ŭ jaho krainie.
Pa słovach krynic WSJ, Tramp niepublična abmiarkoŭvaŭ mahčymaść asabistaj sustrečy z Kimam padčas nastupnaj pajezdki ŭ Aziju, jakaja moža adbycca ŭ listapadzie, kali suśvietnyja lidary źbiarucca na samicie Azijacka-Cichaakijanskaha ekanamičnaha supracoŭnictva ŭ Šeńčženie.
Adnak aficyjnaja padrychtoŭka da sustrečy Trampa ź lidaram KNDR jašče nie pačałasia.