Šeść źlitkaŭ zołata addaŭ dziesiacihadovy školnik za «svabodu» baćkoŭ
Apieratyŭniki kryminalnaha vyšuku Centralnaha RUUS Minska zatrymali 20‑hadovaha kurjera telefonnych machlaroŭ, jaki jak minimum dvojčy zabiraŭ hrošy ŭ padmanutych dziaciej.
U pieršym vypadku jon zabraŭ u 10‑hadovaha staličnaha školnika barsietku, u jakoj znachodzilisia 18 tysiač dalaraŭ i šeść źlitkaŭ zołata, paviedamlaje pres-słužba MUS.
Chłopčyk byŭ zapałochany i dumaŭ, što ratuje svaich baćkoŭ ad aryštu. Napiaredadni machlary prymusili jaho nazvać kod z SMS-paviedamleńnia, a potym pierakanali, što takim čynam jon dapamahaŭ złačyncam. I tamu ciapier nibyta pavinien zadekłaravać aščadak svajoj siamji.
Atrymaŭšy sumku, kurjer abmianiaŭ zołata na valutu i schavaŭ usie hrošy ŭ abumoŭlenym miescy dla nastupnaha pasrednika. Anałahičnym čynam jon zabraŭ hrošy ŭ padletka ŭ Skidzieli.
Paśla zatrymańnia minčanin patłumačyŭ, što znajšoŭ vakansiju kurjera na sajcie dla pošuku pracy i nie razumieŭ, što dapamahaje machlaram vykradać čužyja hrošy.