Va Ukrainie rasśledujuć spravu złačynnaj arhanizacyi z udziełam deputataŭ i vysokapastaŭlenych asob administracyi prezidenta
Antykarupcyjnyja orhany pravodziać maštabnuju śpiecapieracyju ŭ Ofisie prezidenta Ukrainy i siarod deputataŭ.
Kałaž: «Ukrainskaja praŭda»
Nacyjanalnaje antykarupcyjnaje biuro Ukrainy (NABU) i Śpiecyjalizavanaja antykarupcyjnaja prakuratura (SAP) raspačali śpiecapieracyju pa vykryćci złačynnaj arhanizacyi, jakoj, pa danych śledstva, kiravali dziejny i były narodnyja deputaty pry ŭdziele vysokapastaŭlenych čynoŭnikaŭ Ofisa prezidenta Ukrainy.
Pavodle zajavy NABU, u złačynnuju hrupoŭku ŭvachodzili nardepy, kiraŭničyja asoby z Ofisa prezidenta Ukrainy i šerah inšych słužboŭcaŭ.
Jak paviedamlajuć krynicy vydańnia «Ukrainskaja praŭda», śledčyja dziejańni i vobšuki prachodziać u narodnaha deputata Vadzima Stołara (abranaha ad užo zabaronienaj partyi «Apazicyjnaja płatforma — Za žyćcio») i namieśnicy kiraŭnika Ofisa prezidenta Ukrainy Iryny Mudraj.
Na hety momant NABU i SAP aficyjna nie raskryvajuć poŭny śpis imionaŭ usich fihurantaŭ i inšyja padrabiaznaści śpiecapieracyi.