U Biełaruś pryjedzie prezident Mjanmy
Min Aun Chłajn pryjedzie ŭ Biełaruś, skončyŭšy vizit u Rasii, dzie jon zaraz znachodzicca.
Fota: AP Photo/Pavel Bednyakov, Pool
Prezident Mjanmy sustreniecca z Alaksandram Łukašenkam, premjeram Alaksandram Turčynym, staršynioj Pałaty pradstaŭnikoŭ Iharam Sierhiejenkam, pradstaŭnikami biełaruskaha ŭrada.
Padčas vizitu taksama voźmie ŭdzieł va ŭračystym adkryćci pasolstva Mjanmy ŭ Minsku i biełaruska-mjanmanskim biznes-forumie. Padčas vizitu jaho buduć supravadžać sajuznyja ministry i pradstaŭniki dziaržaŭnych orhanaŭ, paviedamlaje Ministerstva infarmacyi Mjanmy.
Min Aun Chłajn pryjšoŭ da ŭłady ŭ Mjanmie ŭ vyniku vajskovaha pieravarotu, što adbyŭsia ŭ lutym 2021 hoda i ŭ vyniku jakoha ŭ turmu kinuli lidarku krainy, nobieleŭskuju łaŭreatku Aun San Su Čžy.
Z taho času jon uznačalvaŭ časovy ŭrad. U 2026 hodzie parłamient abraŭ jaho prezidentam.