«Biełtelekam» zaklikaje adklučać mademy i TB-prystaŭki ŭ navalnicu
U «Biełtelekamie» nahadali abanientam pra nieabchodnaść adklučać mademy i TB-prystaŭki ad elektrasietki padčas navalnicy, zalevy i mocnaha vietru.
Takaja miera biaśpieki dapamoža abaranić abstalavańnie ad mahčymych paškodžańniaŭ. U niepahadź mohuć adbyvacca abryvy linij elektrapieradačy i pieraboi z elektrazabieśpiačeńniem. Akramia taho, udary małanki zdolnyja vyklikać skoki napružańnia, praź jakija technika moža vyjści z ładu.
U kampanii padkreślili, što svoječasovaje adklučeńnie abstalavańnia ad sietki dazvolić źnizić ryzyku jaho paškodžańnia i zachavać pracazdolnaść pryład.