Napiaredadni novaha navučalnaha hoda Biełaruskaja čyhunka puścić dadatkovyja ciahniki
Biełaruskaja čyhunka pavialičyć kolkaść ciahnikoŭ i miescaŭ na papularnych maršrutach napiaredadni pačatku navučalnaha hoda. Dadatkovyja sastavy buduć kursiravać u pieryjad z 30 pa 31 žniŭnia, kali tradycyjna ŭzrastaje popyt na pajezdki ŭ Minsk.
Zdymak ilustracyjny. Fota: Lookby.media
30 žniŭnia dadatkova pryznačać:
- №668 Brest — Minsk;
- №685 Homiel — Minsk;
- №691/692 Minsk — Mahiloŭ — Minsk.
31 žniŭnia buduć kursiravać:
- №743/746 Minsk — Mahiloŭ — Minsk;
- №653 Minsk — Brest;
- №690 Minsk — Homiel;
- №693/638 Minsk — Homiel — Minsk.
Akramia taho, 31 žniŭnia ciahniki №874/873 Minsk — Mazyr — Minsk i №737/738 Minsk — Brest — Minsk buduć adpraŭlacca zdvojenymi sastavami, što dazvolić pavialičyć kolkaść miescaŭ.
Jašče adzin dadatkovy ciahnik mižrehijanalnych linij biznes-kłasa — №710 Minsk — Homiel — pryznačany z 24 žniŭnia. Jon budzie kursiravać z paniadziełka pa čaćvier. U zvarotnym kirunku ciahnik №715 Homiel — Minsk u hety ž pieryjad budzie chadzić zdvojenym sastavam.