Tramp abviaściŭ pra pačatak «samaj razburalnaj ekanamičnaj apieracyi» suprać Irana
I nazvaŭ jaje «ekanamičnym dniom «D»
AP Photo Mark Schiefelbein
«Nichto nie davaŭ Isłamskaj Respublicy Iran bolš mahčymaściaŭ zaklučyć pahadnieńnie, čym ja. Na ich niaščaście, jany tak i nie skarystalisia hetym šancam. Tamu siońnia ja abviaščaju pra samuju razburalnuju ekanamičnuju apieracyju, jakaja kali-niebudź pravodziłasia suprać jakoj-niebudź krainy!» — zajaviŭ jon.
Pavodle słoŭ Trampa, «heta budzie ekanamičnaja vajna i izalacyja biesprecedentnaha maštabu». Lubaja kraina, jakaja budzie akazvać Iranu jakuju-niebudź padtrymku, sama sutykniecca z «vielizarnymi ekanamičnymi nastupstvami» — dla Irana heta budzie «ekanamičnym dniom «D»», patłumačyŭ jon.
Dzień «D» heta adsyłka da vysadki sajuźnikaŭ u Narmandyi ŭ červieni 1944 hoda. Tak nazyvałasia apieracyja vysadki, vynikam jakoj staŭ razhrom nacysckaj Hiermanii ŭ Zachodniaj Jeŭropie.