«Źnik bieź źviestak» vielmi małady biełaruski najomnik
Mikałaj Karciel naŭrad ci paśpieŭ adśviatkavać navat svajo 19-hodździe. Jak čarhovaha maładoha biełarusa biez kryminalnaj bijahrafii zaniesła na vajnu na baku Rasii — nieviadoma.
Mikałaj Karciel naradziŭsia ŭ vioscy Sunai Kapylskaha rajona ŭ listapadzie 2006-ha. Małodšy syn u siamji dajarki i vieterynara. Danych ab tym, dzie vučyŭsia chłopiec — niama.
Mikałaj Karciel, fota: Ukantakcie
Camastojnaje žyćcio jon pačaŭ u Rasii — u 2025‑m hodzie apublikavaŭ u sacyjalnych sietkach svajo fota adtul.
Potym, u kancy taho ž 2025-ha, apublikavaŭ siabie ŭ bałakłavie, šlemie i kamuflažnaj razhruzcy. I z taho času va UKantakcie bolš nie zachodziŭ.
Mikałaj Karciel źbirajecca na vajnu. Fota: Ukantakcie
Jak viadoma «Našaj Nivie», chłopiec zavierbavaŭsia ŭ rasijski 331 hvardziejski parašutna-desantny Kastramski połk.
Imavierna, što chłopiec zahinuŭ niedzie pad Časavym Jaram. Tearetyčna mahčyma, što jon trapiŭ u pałon, ale adtul jon pakul nie adzyvaŭsia.
Ciapier Karciela biespaśpiachova šukajuć svajaki.