Łukašenka sustreŭsia z prezidentam Mjanmy ŭ siabie doma
Alaksandr Łukašenka 20 žniŭnia pravodzić u svajoj rezidencyi ŭ Astrašyckim Haradku sustreču z prezidentam Mjanmy Min Aun Chłajnam, jaki ŭ hety dzień prybyŭ u Biełaruś z aficyjnym vizitam.
Fota: pres-słužba Łukašenki
Pavodle paviedamleńnia pres-słužby Łukašenki, ciapierašniaja sustreča prachodzić u «chatniaj niefarmalnaj abstanoŭcy». Spačatku palityki razmaŭlajuć sam-nasam, a paśla dla ich zapłanavanaja niefarmalnaja viačera.
Asnoŭnaja, aficyjnaja častka vizitu adbudziecca 21 žniŭnia ŭ Pałacy Niezaležnaści. Tam Łukašenka i Min Aun Chłajn praviaduć aficyjnyja pieramovy, paśla čaho adbudziecca sustreča delehacyj Biełarusi i Mjanmy.
Užo siońnia Łukašenka zapeŭnivaje svajho azijackaha hościa:
«Vam i vašym biznesmienam my adčynili ŭsie dźviery, kali łaska, hladzicie. Usio, što vam cikava, i ŭsio, što my možam zrabić, pačynajučy ad sielskaj haspadarki i zakančvajučy vajskova-pramysłovym kompleksam, usio, što my možam, my dla vas zrobim».
Čytajcie taksama:
U Biełaruś prylacieŭ prezident Mjanmy
Apublikavanyja pieršyja za niekalki hadoŭ zdymki Aun San Su Čžy
Parłamient Mjanmy ŭvioŭ śmiarotnaje pakarańnie dla arhanizataraŭ skam-centraŭ
Achvotnym pajechać pa biaźvizie ŭ Mjanmu treba być akuratnymi z mabilnymi telefonami