U Ivacevickim rajonie mužčyna dziela zabavy abstralaŭ ź pnieŭmatyki ravarysta
U Ivacevicki RAUS źviarnuŭsia 53‑hadovy mužčyna, jaki paviedamiŭ, što nieviadomy čałaviek nanios jamu cialesnyja paškodžańni.
Skrynšot ź videa
Mužčyna jechaŭ na rovary pa darozie kala adnoj ź viosak Ivacevickaha rajona. U hety momant mima jaho na lehkavym aŭtamabili prajazdžaŭ 21‑hadovy žychar susiedniaj vioski, jaki nidzie nie pracuje i raniej užo traplaŭ u pole zroku siłavikoŭ. U mašynie razam ź im znachodziłasia znajomaja.
Małady čałaviek apuściŭ škło z boku pasažyrskaha miesca i biez usialakaj pryčyny zrabiŭ pa ravarystu nie mienš za try streły ź pnieŭmatyčnaha pistaleta. Mužčynu abstralali mietaličnymi šarykami.
Supracoŭnikam milicyi chłopiec rastłumačyŭ, što nabyŭ pnieŭmatyčny pistalet i kamplektujučyja da jaho ŭ adnoj ź internet-kram. Pa nieznajomym čałavieku jon stralaŭ, pavodle jaho słoŭ, prosta dziela zabavy.
Padčas pieratrusu pa miescy žycharstva padazravanaha milicyjaniery znajšli i kanfiskavali pnieŭmatyčny pistalet, siem mietaličnych bałonaŭ i płastykavuju jomistaść ź mietaličnymi šarykami.
U dačynieńni da maładoha čałavieka raspačali kryminalnuju spravu za asabliva złosnaje chulihanstva. Jaho ŭziali pad vartu. Maksimalnaje pakarańnie pa hetym artykule — da 10 hadoŭ pazbaŭleńnia voli.
Čytajcie taksama:
U Łojevie bryhadzie chutkaj dapamohi pahražali pistaletam
U Dziatłaŭskim rajonie mužčyna zładziŭ prycelnuju stralbu pa darožnych znakach
U Homieli mužčyna zapałochvaŭ siamju pistaletam
U Minsku navučeniec kaledža stralaŭ ź pnieŭmatyki pa voknach
U Łojevie dziaŭčyna zabaŭlałasia, stralajučy pa mašynie susieda