Chutkasnaje čyhunačnaje złučeńnie dazvolić dajechać ź Minska da aeraporta za 30 chvilin
Ahulnaja praciahłaść učastka — 41 km, ź ich novym budzie 31 km.
Chutkasnaje pasažyrskaje čyhunačnaje złučeńnie dazvolić dajechać ź Minska da Nacyjanalnaha aeraporta Minsk za 30 chvilin. Pra heta žurnalistam paviedamiŭ pieršy namieśnik načalnika pasažyrskaj słužby ŭpraŭleńnia Biełaruskaj čyhunki Kanstancin Bajar, piša BiełTA.
Złučeńnie płanujecca arhanizavać pa maršrucie Minsk — Haradzišča — Kitajska-biełaruski industryjalny park «Vialiki kamień» — Nacyjanalny aeraport Minsk.
Ahulnaja praciahłaść učastka — 41 km, ź ich novym budzie 31 km.
Ciapier realizujecca pieršaja čarha budaŭnictva. Prajekt vykonvajecca ŭ adpaviednaści ź dziaržaŭnaj prahramaj «Transpart Biełarusi» na 2026—2030 hady.
Jak adznačyŭ Kanstancin Bajar, prajekt maje važnaje značeńnie dla Minska i krainy ŭ cełym, čakajecca pavieličeńnie pasažyrapatoku.
«My płanujem kala 20 par ciahnikoŭ u sutki pamiž Minskam i aeraportam. Prajekt praduhledžvaje vysokuju chutkaść pieramiaščeńnia. Aryjentyrovačny raźlikovy čas u darozie składaje 30 chvilin. Na hetym napramku budzie kursiravać novy ruchomy sastaŭ z palepšanymi spažyvieckimi jakaściami i charaktarystykami», — skazaŭ jon.
Kanstancin Bajar taksama raspavioŭ pra zapłanavanyja prypynki.
«My praduhledžvajem prypynak Minsk-Uschodni, jaki budzie źviazany ź mietrapalitenam. Płanujecca prypynak u «Vialikim kamieni», bo my pavinny zabiaśpiečyć transpartnuju suviaź nie tolki z aeraportam, ale i z łahistyčnymi centrami», — adznačyŭ jon.
Raniej paviedamlałasia, što čyhunka budzie pabudavana da 2028 hoda.