U Rasiju nie prapuścili 40 ton sała ź Biełarusi
U Smalenskaj vobłaści Rasii nie prapuścili kala 40 ton śvinoha špiku, jaki vieźli ź Biełarusi. Dva hruzaviki z pradukcyjaj zatrymali supracoŭniki Raśsielhasnahladu.
Fota: 32.fsvps.gov.ru
Hruz byŭ upakavany ŭ polietylenavuju plonku i mieŭ vieterynarnyja klejmy ispanskaha pradpryjemstva-vytvorcy. Adnak u kiroŭcaŭ nie akazałasia nieabchodnych vieterynarnych siertyfikataŭ i supravadžalnych dakumientaŭ.
Akramia taho, impart pradukcyi hetaha ispanskaha pradpryjemstva ŭ Rasiju abmiežavany jašče z 2009 hoda.
Hruzaviki adpravili na aŭtastajanku. Śpiecyjalisty pravodziać pravierku pradukcyi, kab vyklučyć ryzyku zaniasieńnia ŭ Rasiju infiekcyjnych zachvorvańniaŭ žyvioł.
Čytajcie taksama:
U Rasiju nie puścili amal tonu rahoŭ ź Biełarusi
U Rasii źniščyli armianskija ružy, jakija vieźli praź Biełaruś