U Minsku adkryłasia pasolstva Mjanmy
21 žniŭnia ŭ stalicy Biełarusi adkryłasia pasolstva Mjanmy. Cyrymonija adbyłasia padčas vizitu ŭ Biełaruś prezidenta Mjanmy Min Aun Chłajna, paviedamlaje BiełTA.
Fota: BiełTA
Ministr zamiežnych spraŭ Biełarusi Maksim Ryžankoŭ nazvaŭ adkryćcio dypłamatyčnaj misii «novaj staronkaj u historyi dvuchbakovych dypłamatyčnych adnosin». U cyrymonii taksama ŭdzielničaŭ kiraŭnik MZS Mjanmy U Tyn Maun Śvie. Adras novaha pasolstva pakul nie paviedamlajecca.
Dypłamatyčnyja adnosiny pamiž Biełaruśsiu i Mjanmaj byli ŭstalavanyja 22 vieraśnia 1999 hoda. Raniej Mjanma ŭvachodziła ŭ śfieru adkaznaści biełaruskaha pasolstva ŭ Vjetnamie.
Padčas sustrečy ź Min Aun Chłajnam Alaksandr Łukašenka zajaviŭ, što Biełaruś maje ŭsie nieabchodnyja technałohii, kab dapamahać Mjanmie, navučać jaje śpiecyjalistaŭ i zabiaśpiečvać krainu nieabchodnymi resursami.
Łukašenka i prezident Mjanmy taksama sustrakalisia napiaredadni. Pra kankretny źmiest razmovy aficyjna nie paviedamlałasia. Pavodle słoŭ biełaruskaha kiraŭnika, jany abmierkavali pytańni, jakija «niemahčyma publična ahučyć i abmierkavać».
20 žniŭnia ŭ Minsku prajšoŭ biełaruska-mjanmanski biznes-forum. Delehacyja Mjanmy taksama praviała sustrečy z premjer-ministram Alaksandram Turčynym i kiraŭnikami abiedźviuch pałat Nacyjanalnaha schodu — Iharam Sierhiejenkam i Natallaj Kačanavaj. Akramia taho, była stvoranaja hrupa družby dla supracoŭnictva pamiž parłamientaryjami dźviuch krain.
Čytajcie taksama:
Łukašenka sustreŭsia z prezidentam Mjanmy ŭ siabie doma
U Biełaruś prylacieŭ prezident Mjanmy
Apublikavanyja pieršyja za niekalki hadoŭ zdymki Aun San Su Čžy
Parłamient Mjanmy ŭvioŭ śmiarotnaje pakarańnie dla arhanizataraŭ skam-centraŭ