U biełaruskaj vyšejšaj lizie ŭpieršyniu futbolny matč sudziła całkam žanočaja bryhada — histaryčnaja padzieja
Učorašni matč 19‑ha tura Vyšejšaj lihi pamiž «Minskam» i «Viciebskam» uvajšoŭ u historyju biełaruskaha futboła. Upieršyniu sustreču čempijanatu krainy siarod mužčynskich kamand absłuhoŭvała całkam žanočaja sudziejskaja bryhada, piša Onliner.
Fota: FK «Minsk»
Hałoŭnym arbitram matču stała ŭradženka Maładziečna Volha Błockaja. Joj dapamahali minčanka Nastaśsia Dančanka i Alesia Hutnik z Bresta. Abaviazki čaćviortaha arbitra vykonvała Valancina Sakałovič z Žodzina.
Sustreča zaviaršyłasia pieramohaj «Viciebska» ź likam 1:0.
Dla Błockaj heta byŭ užo čaćviorty matč u mužčynskaj «vyšcy» — u krasaviku arbitr stała pieršaj žančynaj, jakaja ŭznačaliła sudziejskuju bryhadu ŭ elitnym futbolnym dyvizijonie Biełarusi. Adnak va ŭsich papiarednich hulniach u jaje kamandzie pracavali i mužčyny.
Žanočyja bryhady pad kiraŭnictvam Błockaj taksama absłuhoŭvali matčy Kubka Biełarusi. U 2025 hodzie takich hulniaŭ było try. Adnak i tady čaćviortym sudździoj kožny raz pracavaŭ mužčyna.