39‑hadovy akcior Pavieł Kaniok pamior u reanimacyi
Jon zdymaŭsia ŭ mnohich rasijskich sieryjałach.
Pavieł Kaniok. Fota z sacsietak
39‑hadovy akcior Pavieł Kaniok trapiŭ u reanimacyju paśla raptoŭnaha insultu, kažuć u asiarodździ artysta. Paźniej jon pamior u balnicy.
Raskazvajuć, što ŭ Paŭła byli prablemy z pavyšanym ciskam, jon šmat času addavaŭ pracy.
Raźvitańnie z akcioram projdzie zaŭtra ŭ jaho rodnym Homieli.
Pavieł Kaniok z 17 hadoŭ vystupaŭ na scenie Homielskaha dramatyčnaha teatra. Jahony talent zaŭvažyŭ rasijski akcior Ihar Jasułovič, paśla čaho Kaniok pastupiŭ u VDIK i vučyŭsia ŭ jaho.
Paśla zakančeńnia instytuta ŭ 2010 hodzie akcior pracavaŭ u maskoŭskim teatry «Kamiernaja scena», a z 2015 hoda — u «Maskancercie». U 2020‑m jon viarnuŭsia ŭ Biełaruś i dałučyŭsia da trupy Homielskaha maładziožnaha teatra.
Za svaju karjeru Pavieł Kaniok źniaŭsia bolš čym u 20 filmach i sieryjałach, u tym liku ŭ rasijskich prajektach «Śled», «Advakat», «Univier» i inšych.
U jaho zastalisia žonka i maleńkaja dačka.