Homielski ŭniviersitet aryhinalna zamańvaje zamiežnych studentaŭ VIDEA
I vyhladaje, što pracuje!
Skrynšot videa
Homielski dziaržaŭny techničny ŭniviersitet źniaŭ aryhinalnuju rekłamu, kab pryciahnuć zamiežnych studentaŭ. U videa dziaŭčyna kidaje šlopaniec u zamiežnikaŭ na hanku, paśla čaho tyja biahuć i łomiacca ŭ dźviery ŭniviersiteta.
«Pryjom zajavak dla zamiežnych studentaŭ aficyjna adkryty!Čakajem vas da 15 kastryčnika!» — kažacca ŭ dopisie da videa.
Zamiežnych studentaŭ zaprašajuć vučycca na śpiecyjalnaści «Infarmacyjnyja technałohii», «Ekanomika i mieniedžmient», «Naftahazavaja inžynieryja».
Rolik zavirusiŭsia. I ŭ kamientarach adhuknułasia niamała zamiežnikaŭ, jakija cikaviacca, jak pastupić. Inšyja žartujuć, što tych, chto prydumaŭ takuju rekłamu, treba premiravać.
Ciapier va ŭniviersitecie vučycca kala 150 zamiežnych studentaŭ z Rasii, Maroka, Demakratyčnaj Respubliki Konha, Turkmienistana, Kitaja i inšych krain.