Ryžankoŭ raskazaŭ, jak adpačyŭ u Paŭnočnaj Karei
«Usio akuratnieńka, dahledžana, usio pracuje».
Fota: t.me/belarusdiplomacy
Ministr zamiežnych spraŭ Maksim Ryžankoŭ razam ź siamjoj pravioŭ adpačynak u KNDR.
Pa viartańni jon padzialiŭsia ŭražańniami. «Kraina vielmi kałarytnaja, tradycyjnaja, cikavaja», — skazaŭ jon telekanału «Pieršy infarmacyjny».
Ryžankoŭ pabyvaŭ nie tolki ŭ stalicy Pchieńjanie, ale i ŭ partovym horadzie Vansanie, na kurorcie Kalma.
«Pa darozie vadaspady, viosački nievialikija. Usio akuratnieńka, dahledžana, usio pracuje».
Fota: t.me/belarusdiplomacy
Ministr adznačyŭ, što kali raniej u Paŭnočnaj Karei było ścipła z mašynami na vulicach, to ciapier aŭto stała bolej.
Ryžankoŭ paralelna zajmaŭsia i pracoŭnymi pytańniami, naprykład, uzhadniaŭ admienu viz u KNDR dla biełarusaŭ.