Za adnyja vychadnyja ŭ Biełarusi zabili troch miadźviedziaŭ
Za dva dni ŭ Viciebskaj vobłaści palaŭničyja zabili troch miadźviedziaŭ. Pra heta paviedamili ŭ Biełaruskaj arhanizacyi palaŭničych i rybałovaŭ.
Fota: t.me/rgooboor_ohota
22 žniŭnia ŭ Dokšyckaj palaŭničaj haspadarcy Juryj Kabak zabiŭ samca va ŭzroście 4—5 hadoŭ. U toj ža dzień u Hłybockim rajonie anałahičny trafiej atrymaŭ Dźmitryj Dmitryčenkaŭ.
Jašče adnaho miadźviedzia zabili 23 žniŭnia ŭ Viciebskaj palaŭničaj haspadarcy. Andrej Kolčaŭ zastreliŭ samku va ŭzroście prykładna 3—4 hadoŭ.
Palaŭničy siezon na miadźviedziaŭ na hetym nie zakančvajecca. 25 žniŭnia Biełaruskaje tavarystva palaŭničych i rybałovaŭ płanuje pravieści ŭžo vośmy rozyhryš prava na zdabyču miadźviedzia ŭ svaich uhodździach. Kab paŭdzielničać, palaŭničym nieabchodna zahadzia padać zajaŭku.
Ahulnuju kolkaść burych miadźviedziaŭ u Biełarusi aceńvajuć prykładna na 700 asobin.
Čytajcie taksama:
Z rasijanina sprabujuć spahnać bolš za 162 tysiačy rubloŭ za niezakonna zdabytaha ŭ Biełarusi zubra
Palaŭničyja na Ałtai zabili 12 miadźviedziaŭ paśla napadu adnaho na turystku