Pačali spusk ciełaŭ dvuch alpinistaŭ, jakija zahinuli ŭ Kyrhyzstanie
Ratavalniki znajšli cieły dvuch źnikłych alpinistaŭ na piku Kurumdy ŭ Kyrhyzstanie i pačali ich spusk z hor. Pošuki treciaha ŭdzielnika ŭzychodžańnia praciahvajucca.
Na fota: Maksim Palanski, Siarhiej Rubcoŭ i Mikałaj Śvirydaŭ
Ranicaj 24 žniŭnia na Kurumdy pačaŭsia novy etap pošukava-vyratavalnaj apieracyi — spusk. Viertalot dastaviŭ na ledavik na vyšyni kala 4300 mietraŭ hrupu ź piaci alpinistaŭ. Jany raźbili łahier i adrazu prystupili da pracy.
Da viečara vyratavalniki znajšli cieły dvuch členaŭ źnikłaj hrupy i pačali rychtavać ich da spusku. Miescaznachodžańnie treciaha alpinista pakul vyśviatlajecca. Suviaź z łahieram zastajecca adnabakovaj, tamu padrabiaznaj infarmacyi pra chod apieracyi pakul niama.
Raniej stała viadoma, što biełarusy Maksim Palanski i Mikałaj Śvirydaŭ, a taksama hramadzianin Litvy Siarhiej Rubcoŭ padnialisia na pik Kurumdy ŭ Kyrhyzstanie. 2 žniŭnia hrupa paviedamiła, što pačała spusk, ale ŭ pryznačanaje miesca nie vyjšła. Paśla hetaha była razhornutaja maštabnaja pošukavaja apieracyja.
16 žniŭnia cieły źnikłych alpinistaŭ pabačyli padčas zdymki miascovaści z drona.
Čytajcie taksama:
«Išli ŭ adnoj źviazcy». Što adbyłosia ź biełarusami ŭ harach Kyrhyzstana
Stali viadomyja imiony źnikłych u harach Kyrhyzstana alpinistaŭ. Dvoje ź ich biełarusy