Pasiaredzinie raki — trava. Sož u Homieli taksama mocna abmialeŭ
U Homieli žychary źviarnuli ŭvahu na niezvyčajna mocnaje abmialeńnie Soža. Niekatoryja adznačajuć, što za apošnija dziesiać hadoŭ nie bačyli raki ŭ takim stanie — miescami pasiarod rečyšča ŭžo raście trava, a pierad mostam kala ahraharadka Babovičy ŭtvaryŭsia nievialiki vostraŭ, piša vydańnie «Štodzień».
Fota: threads.com/@helen_angele
Pavodle źviestak sajta Allrivers, 24 žniŭnia ŭzrovień vady ŭ Sožy ŭ Homieli składaŭ minus 15 sm adnosna nulavoha ŭzroŭniu pasta. Za apošnija sutki vada apuściłasia jašče na 1 sm.
Zvyčajna ŭ hety pieryjad uzrovień składaje kala plus 40 sm. Nižejšy pakazčyk u hety dzień fiksavali tolki ŭ 2015 hodzie — minus 25 sm.
Fota: threads.com/@helen_angele
Pavodle infarmacyi Biełhidramieta, jašče z 20 žniŭnia ŭzrovień Soža ŭ Homieli znachodzicca nižej za adznaku, nieabchodnuju dla sudnachodstva.
Fota: threads.com/@helen_angele
Žychary rehijonu taksama paviedamlajuć pra značnaje abmialeńnie inšych rek. Kažuć, što padobnaja situacyja nazirajecca ŭ Dniapry kala Rečycy i ŭ Prypiaci. Pry hetym niekatoryja narakajuć, što rečyščy daŭno nie čyściać.