Śviežyja fota abmialełaj Prypiaci ŭ Mazyry, jakija vykłaŭ miascovy błohier Loša Astapienka, šakavali karystalnikaŭ. Jak zaŭvažyŭ «Fłahštok» na zdymkach ad 16 žniŭnia, na niekatorych učastkach zamiest vady ŭ rečyščy raki — hoły piasok, pa jakim chodziać pieššu.
«Fłahštok» publikavaŭ zdymki sa spadarožnika, na jakich bačna, što pojma Prypiaci ŭsiaho za hod pieratvaryłasia ŭ «pustyniu», i raspaviadaŭ, što padzieńnie ŭzroŭniu vady ŭ Prypiaci krytyčnaje, ale pakul nie rekordnaje. Uzrovień vady jašče nie dasiahnuŭ absalutnaha minimumu, jaki byŭ zafiksavany ŭ vieraśni 2015 hoda.
Pavodle danych na ranicu 17 žniŭnia, na hidrapoście ŭ Mazyry ŭzrovień vady ŭ Prypiaci dasiahnuŭ adznaki minus 7 santymietraŭ nad nulavoj hrafoj. U apošnija dni padzieńnie ŭzroŭniu zapavoliłasia.
Adnak u kamientarach da aktualnych zdymkaŭ miascovyja žychary adznačajuć, što takoha abmialeńnia raki ŭ Mazyry nie nazirali navat u rekordnym 2015 hodzie.
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary