Biełarus sprabavaŭ pravieźci ŭ Polšču cyharety ŭ rubierojdzie
Polskija mytniki vyjavili bujnuju partyju kantrabandnych cyharet u hruzaviku, jaki pierasiakaŭ biełaruska-polskuju miažu praz punkt propusku «Babroŭniki».
40‑hadovy hramadzianin Biełarusi vioz, pavodle dakumientaŭ, rułony rubierojdu. Adnak padčas pravierki hruzavik spačatku praśviacili renthienam, a zatym staranna ahledzieli. Unutry rułonaŭ znajšli bolš za 150 tysiač pačkaŭ cyharet, schavanych ad kantrolu.
Košt kanfiskavanaj kantrabandy acanili prykładna na 3 miljony złotych (kala 813 tysiač dalaraŭ).
Biełaruskaha kiroŭcu zatrymali. Sud pastanaviŭ uziać jaho pad vartu. Polskija pravaachoŭniki raspačali kryminalnuju spravu.
Čytajcie taksama:
U Biełastoku sudziać dvuch biełarusaŭ i palaka za kantrabandu cyharet z dapamohaj dronaŭ
Žychar Kijeva hołym vypackaŭsia ŭ smału, kab unačy abrabavać kramu. Admyvali jaho piać hadzin