Dva žychary Hłybockaha rajona paŭtara hoda abkradali viaskovyja chaty, a śpiaklisia na mapiedzie
Ź vieraśnia 2024 hoda da studzienia 2026‑ha mužčyny nočču abkradali małaludnyja vioski ŭ Hłybockim, Dokšyckim, Pastaŭskim i Šarkaŭščynskim rajonach, paviedamlaje Śledčy kamitet.
Fota ilustracyjnaje
Złodziei pryjazdžali na aŭtamabili i załazili ŭ chaty, zryvajučy dźviarnyja zasaŭki abo dastajučy akonnyja ramy. Zabirali pieravažna rečy, jakija možna było zdać na mietałałom. Paśla dźviery i vokny stavili nazad, kab haspadary nie adrazu zaŭvažyli kradziež.
Vykryć zładziejaŭ udałosia 3 studzienia 2026 hoda. Padčas čarhovaj vyłazki jany ŭbačyli kala čužoha doma mapied, pahruzili jaho ŭ svaju mašynu i pajechali. Nieŭzabavie ich spyniŭ supracoŭnik DAI. Inśpiektar zaŭvažyŭ mapied, pra kradziež jakoha ŭžo paviedamili siłavikam, i zatrymaŭ mužčyn.
Paciarpiełymi pa spravie pryznali 54 čałavieki, a ahulnaja suma naniesienaj škody pieravysiła 9000 rubloŭ. Častku škody — 4900 rubloŭ — abvinavačanyja ŭžo kampiensavali.
Jak vyśvietliłasia, adnamu z mužčyn 36 hadoŭ, jon pracavaŭ i raniej byŭ sudzimy za kradziažy. Jaho 31‑hadovy naparnik nie pracavaŭ i mieŭ sudzimaść za kradziež aŭto.
Mužčynam vystavili abvinavačańnie ŭ paŭtornym kradziažy, ździejśnienym hrupaj asob z praniknieńniem u žyllo.
Čytajcie taksama:
U Dziatłaŭskim rajonie viaskoviec skraŭ 13 kubkaŭ, što pakidalisia kala śviatoj krynicy
Mužčyna ź pierapoju pračnuŭsia ŭ razhromlenaj kvatery i pajšoŭ u milicyju
Na Mahiloŭščynie čaćviora mužčyn krali paliva z dyziel-ciahnika