Biełarus u Homieli pakazaŭ, jak rasijanin pryparkavaŭ mašynu
Rolik u tyktoku mužčyna padpisaŭ «Rasijanie ŭ Biełarusi…»
U Homieli biełarus zaŭvažyŭ aŭtamabil z rasijskimi numarami, jaki, miarkujučy ź videa, pryparkavali na hazonie kala doma. Jon źniaŭ heta na videa i apublikavaŭ rolik, zaŭvažyła BGmedia.
Na videa bačny bieły aŭtamabil, jaki staić kołami na zialonaj zonie pobač z drevami.
Rolik chutka sabraŭ šmat kamientaroŭ. Niekatoryja karystalniki nie chavali svajho abureńnia:
«U Rasii taksama ŭ siabie tak parkujucca?»
«Treba karać, Biełarusi zarablać hrošy na štrafach».
«Heta čyje-niebudź braty-rasiejcy, jak mnohija tut pišuć».
Adzin z kamientataraŭ źviarnuŭ uvahu na reakcyju niekatorych rasijan na zaŭvahi pra parušeńni.
«Samaje dziŭnaje ŭ tym, što jany nie razumiejuć. Ty jamu robiš zaŭvahu, a jon ščyra nie ŭtykaje i kaža: «A što takoha?»»
Niekatoryja kamientatary apublikavali svaje nazirańni za parkoŭkaj rasijan.