U dyziel-ciahniku ŭ Staradarožskim rajonie adbyŭsia pažar
Zdareńnie adbyłosia ŭčora viečaram u ciahniku, što ruchaŭsia pa maršrucie Salihorsk — Mahiloŭ.
Uzharańnie adbyłosia ŭ mašynnym adździaleńni ciahnika kala vioski Raźjezd Faličy.
U ciahniku znachodzilisia 45 čałaviek, u tym liku 40 pasažyraŭ. Jany samastojna pakinuli vahony. Nichto nie paciarpieŭ.
Uzharańnie likvidavaŭ mašynist vohnietušycielem. Byli paškodžanyja draty ŭ mašynnym adździaleńni.