Pavialičyŭsia košt prajezdu pa płatnych darohach

Z 1 vieraśnia 2026 hoda ŭ Biełarusi pavialičycca košt prajezdu pa płatnych aŭtamabilnych darohach. Źmieny praduhledžanyja pastanovaj Ministerstva transpartu. 

Zdymak ilustracyjny. Fota: «Anłajnier»

Dla hruzavych i inšych transpartnych srodkaŭ z dapuščalnaj ahulnaj masaj bolš za 3,5 tony novyja taryfy buduć takimi:

• ź dźviuma vosiami — 12,1 jeŭracenta za kiłamietr zamiest 11,7;
• z tryma vosiami — 15,2 jeŭracenta za kiłamietr zamiest 14,6;
• z čatyrma i bolš vosiami — 18,2 jeŭracenta za kiłamietr zamiest 17,6.

Pavialičycca i płata za karystańnie płatnymi darohami na peŭny termin:

• na 15 dzion — 21 jeŭra (+1 jeŭra);
• na 30 dzion — 33 jeŭra (+1 jeŭra);
• na hod — 114 jeŭra (+4 jeŭra).

Akramia taho, źmienicca košt prajezdu pavodle razavaha taryfu.

Sistema elektronnaha zboru płaty za prajezd pa asobnych biełaruskich aŭtamahistralach dziejničaje z 2013 hoda. Jana achoplivaje trasy M1/Je30 Brest — miaža z Rasijaj, M2 Minsk — Nacyjanalny aeraport, M3 Minsk — Viciebsk, M4 Minsk — Mahiloŭ, M5/Je271 Minsk — Homiel, M6/Je28 Minsk — Hrodna — miaža z Polščaj, M7/Je28 Minsk — Ašmiany — miaža ź Litvoj i šerah inšych daroh.

Pry hetym lehkavyja aŭtamabili, zarehistravanyja ŭ krainach JEAES, ad płaty za prajezd pa płatnych darohach vyzvalenyja.

Apošni raz taryfy padvyšali ŭ śniežni 2025 hoda.

Kamientary da artykuła