Avijakampanija «Biełavija» abviaściła, što z 1 červienia 2026 hoda ŭstupajuć u siłu novyja praviły i taryfy na pravoz dadatkovaha bahažu. Hetyja źmieny tyčacca tych pasažyraŭ, čyj taryfny płan užo ŭklučaje peŭnuju kolkaść bahažu, ale jany chočuć uziać z saboj jašče adzin abo niekalki čamadanaŭ.
Hałoŭnaje novaŭviadzieńnie — źmianieńnie taryfaŭ za dadatkovaje miesca bahažu. Ciapier jano budzie kaštavać ad 40 da 100 jeŭra. Dakładnaja suma zaležyć ad niekalkich faktaraŭ: taryfu kvitka (naprykład, «Proma», «Łajt», «Smart» i inšyja), napramku palotu, a taksama taho, kali i jak pasažyr afarmlaje hetuju pasłuhu.
Najbolš vyhadna apłacić dadatkovy bahaž adrazu pry kupli kvitka na aficyjnym sajcie avijakampanii. U takim vypadku dziejničajuć minimalnyja taryfy. Kali pasažyr vyrašyć dadać bahaž paźniej praź internet, paśla ŭžo kuplenaha kvitka, košt pavialičycca prykładna na 10 jeŭra.
Samy darahi varyjant — apłata ŭ aeraporcie abo praź inšyja afłajn-kanały (naprykład, u kasach). U takim vypadku košt moža dasiahać 65—100 jeŭra ŭ zaležnaści ad maršrutu.
Novyja praviły raspaŭsiudžvajucca jak na pramyja rejsy, tak i na maršruty ź pierasadkami, kali ŭsie pieraloty vykonvaje «Biełavija». Pry hetym, kali na roznych učastkach maršrutu roznyja taryfy, budzie prymianiacca bolš vysoki.
Jość i važnyja ŭmovy pa časie: praz sajt aformić dadatkovaje miesca bahažu možna nie paźniej čym za dźvie hadziny da vyletu. Kali ž pasažyr paśla hetaha źmianiaje datu, maršrut abo rejs, raniej apłačanaja pasłuha nie pieranosicca — jaje treba budzie afarmlać i apłačvać znoŭ.
Ciapier čytajuć
Ź psichbalnicy źbieh były načalnik Hancavickaj milicyi14
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary