Minhandlu vyniesła papiaredžańnie struktury Minharvykankama za biaździejnaść i ciahaninu
Ministerstva antymanapolnaha rehulavańnia i handlu vyniesła papiaredžańnie Kamunalnamu ŭnitarnamu pradpryjemstvu «Centr infarmacyjnych technałohij Minharvykankama». Pryčynaj stała ŭzhadnieńnie, jakoje nie vyrašałasia bolš za paŭtara hoda.
Fota ilustracyjnaje
Ministerstva razhledzieła zvarot hramadskaha abjadnańnia «Minski staličny sajuz pradprymalnikaŭ i pracadaŭcaŭ» nakont mahčymych parušeńniaŭ antymanapolnaha zakanadaŭstva pry ŭzhadnieńni vykarystańnia prahramnaha praduktu «ŽKH-Upraŭleńnie».
Bolš za paŭtara hoda tamu TAA «Brajt Salušenz», jakoje ŭvachodzić u hety sajuz, źviarnułasia ŭ Centr infarmacyjnych technałohij Minharvykankama z prośbaj uzhadnić vykarystańnie hetaj prahramy ŭ arhanizacyjach žyllova-kamunalnaj haspadarki Minska.
Adnak rašeńnie pa zapycie tak i nie było pryniataje. Pry hetym sam Centr infarmacyjnych technałohij Minharvykankama raspracoŭvaje kankurentny prahramny pradukt — aŭtamatyzavanuju infarmacyjnuju sistemu «DomUčiet».
Minhandlu paličyła, što biaździejnaść ustanovy i zaciahvańnie pracedury mohuć mieć prykmiety parušeńnia antymanapolnaha zakanadaŭstva.
U suviazi z hetym ministerstva zapatrabavała spynić dziejańni, jakija mohuć parušać antymanapolnyja normy. Na vykanańnie patrabavańnia dadzieny termin da 12 kastryčnika 2026 hoda.
Čytajcie taksama:
Uvodziać narmatyŭ biełaruskich tavaraŭ u kramach
Ministr kupiŭ synu ŭ škołu kaścium, kašulu, tufli i zaplečnik — kolki addaŭ?
U Biełarusi źbirajucca zabaranić rekłamu kazino ŭ internecie